بيكاتا الدجاج بالفطر Mushroom chicken Piccata

بيكاتا الدجاج بالفطر

المقادير ..

 

صدور دجاج مسحب
فرش كريم - نصف ليتر
ماشروم - نصف كيلو
بصل - حوالي 5 بصلات متوسطة
زبدة - في حدود 250 جرام
نصف كوب حليب سائل
ثلث كوب عصير ليمون
2 ملعقة كبيرة فلفل اسود

للزينة :
بشر ليمون + بقدونس مفري + بشر ثوم

الطريقة ..

 
نقطع صدور الدجاج .. مكعبات متوسطة .. صغيرة قليلاً .

نحضر خلطة التتبيل باضافة الفلفل الاسود الى عصير الليمون ..

نخلط قطع الدجاج مع خلطة التتبيل بواسطة اليد .. نخلط كويس و نتأكد ان كل قطعة اتبلت كويس ..

نغطيها بنايلون التغليف .. و نسيبها في التلاجة .. نغطيها كويس.. انا باسيبها 3 ساعات او اربع ساعات .. و ساعات باسيبها طول الليل .. كل ماكان الوقت اطول كل ما كان احسن .

في هذه الاثناء .. نكون قطعنا البصل جوانح .. و الماشروم لو معلب لازم يتغسل بمية عشان نشيل مواد الحفظ ..

بعدين .. وقت الطبخ بقى .. نحط الزبدة في اناء الطهي .. و نسيبها تسيح و تسخن ..

نضيف قطع الدجاج المتبلة ..

لما تستوي .. ننشلها من الزبدة و نحطها على جنب ..

في نفس الزبدة .. نضيف البصل ..

لما يدبل البصل نضيف الماشروم ..

نقلب قليلا يستوي الفطر قليلا.ثم  نضيف الكريمة اللباني و الحليب ..

نتركها على نار هادية .. لحد ماتغلي المكونات ..

بعدين .. نرجع نضيف قطع الدجاج اللي شيلناها من الزبدة و نقلبها في الخليط ..

ونتركها على النار الهادية شوية . عشان الدجاج يتشرب من الكريمة ..

نكون جهزنا خلطة التزيين .. بقدونس + بشر ليمون + ثوم مبشور ..

ثم نضعها في اطباق التقديم .. و نزينها .. و تتقدم مع الارز و سلطة خضراء .. 

• Twitter
• Facebook
• Whatsapp
• Tumblr
• Pinterest

مواضيع ذات صلة